Խոր Վիրապ, Նորավանք և Ջերմուկ
Խոր Վիրապ վանքը գտնվում է Հայաստանի Հանրապետության Արարատի մարզում՝ Արաքս գետի ձախ ափին։ Այն համարվում է հայոց նվիրական սրբավայրերից և ուխտատեղի։ Խոր Վիրապի պատմությունը սերտորեն առնչվում է Հայաստանում քրիստոնեությունը պետական կրոն ընդունելու ընթացքի հետ։
Նորավանքը ժամանակի մշակութային խոշոր ուսումնակրթական և գրչության կենտրոն էր` սերտորեն կապված հոգևոր ու կրթական այնպիսի կենտրոնների հետ, ինչպիսիք էին Գլաձորի համալսարանը, Տաթևի վանքը: Սակայն Եսայի Նչեցու գլխավորած Գլաձորի համալսարանից բացի գործում էր նաև Վերին Նորավանքի բարձր տիպի դպրոցը՝ Դավիթ րաբունապետի գլխավորությամբ: Ե՛վ Գլաձորը, և՛ Վերին Նորավանքը ոչ միայն ուսումնական, այլև գրչության խոշոր կենտրոններ էին, որտեղ տասնյակներով ձեռագրեր էին գրվում ու պատկերազարդվում։
Ջերմուկը տեղակայված է Վայոց ձորի լեռներում ՝ Արփա գետի գեղատեսիլ կիրճով բաժանված սարահարթում: Քաղաքը շրջապատված է խիտ անտառներով և հայտնի է իր տաք աղբյուրներով ու հանքային ջրերով: Քաղաքի անվանումն ինքնին նշանակում է «գեյզեր»:
